Intii uu kulanku socday, waxaa lagu soo bandhigay warbixinno la xiriira mashaariicda horumarineed ee ay hay’aduhu ka fuliyaan Soomaaliya, gaar ahaan deegaannada Jubaland. Sidoo kale waxaa diiradda lagu saaray xoojinta iskaashi iyo wada-shaqeyn rasmi ah oo u dhexeysa Jubaland iyo hay’adaha xubnaha ka ah dalada.

Wasiirka ayaa Dalada ku bogaadiyey sidey uga go’antahay hawlaha hortabinta leh ee ay ka fuliyaan dalkeena gaar ahaan Jubaland wuxuuna ku booriyey in ay sii laba jibaaraan isagoo warbixino kooban ka siyey mashaariicda iyo fursadaha kala duwan ee ka banaan dalka isla markaana balan qaaday in Dowlada jubaland ay diyaar u tahay cid kasta oo dalka maal, fikir iyo aqoon gelineysa in ay u fududeyneyso.

kulanka ayaa ku soo idlaaday miro dhal iyo in la dardargeliyo hawlaha hormarineed ee dalada.

Wasiir Cabdirahmaan ayaa Sii joogi doona Caasimadda Helsinki ee dalka Finland, isagoo kulamo kala duwan la yeelan doono qaar kamid ah daneeyayaasha arimaha hormarinta Soomaaliya.