Kaddib bandhiggiisii UEFA Super Cup ee ka dhacay Italy, taageerayaasha Liverpool ayaa si weyn uga falceliyay qaab ciyaareedka Bradley Barcola.
Weeraryahanka PSG oo 22 jir ah ayaa lagu xusay inuu ka mid ahaa ciyaartoydii ugu fiicnaa kulanka, inkastoo waqtiga caadiga ahi ciyaarta ay ku dhammaatay 2-2 ka hor inta aysan kooxda Faransiisku ku guuleysan 4-3 rigoorayaal ah.
Barcola, oo qandaraaskiisu ku ey yahay ilaa 2028, ayaa horay loola xiriiriyay Liverpool, gaar ahaan kaddib bixitaannadii Luis Díaz iyo Darwin Núñez, iyadoo wararka ka imanaya Faransiiska iyo Ingiriiskuba ay sheegeen inuu yahay bartilmaameed muhiim ah oo lagu xoojinayo weerarka kooxda difaacaneysa Premier League.
Taageerayaal badan oo Liverpool ah ayaa baraha bulshada ku muujiyay rabitaankooda, mid ka mid ah wuxuu qoray: “Waxaan arkay wax indhahayga ku filan.
Richard Hughes, ii keen Barcola.”
Taageere kale ayaa yiri: “Liverpool, fadlan ka soo badbaadi Barcola dhexdhexaadnimadan.”
Kuwo kale ayaa ku daray inuu yahay ciyaaryahanka keliya ee muuqday kulanka, halka mid kalena ku taliyay in Arne Slot uu waco isla habeenkaas si loo xusuusiyo guushii 4-0 ee ay ka gaareen Spurs xilli-ciyaareedkii hore.
