Shakhsiyaad aan la aqoonsan oo la socday dooni alwaax ah ayaa rasaas ku furay markab xoolo siday oo uu ka babbanayay calanka Comoros kaas oo marayay Badda Cas.

Kooxda weerarka geysatay ayaa la sheegay inay ku qasbeen markabka inuu u leexdo magaalada dekedda ah ee Mocha ee Yemen, halkaasoo si ku meel gaar ah loogu xiray.

Hawlgalka Ganacsiga Badaha ee Boqortooyada Ingiriiska (UKMTO) ayaa markii dambe sheegay in markabka ay qabteen ciidamada ilaalada xeebaha Yemen.

Sarkaal ka tirsan ciidamada badda Yemen ayaa lagu soo warramayaa in uu u sheegay wakaaladda wararka ee Reuters in markabkan loo haystay tuhun ka dibna la sii daayay.

Maamulka badda ayaa ka naxay sababta oo ah markabku waxa uu damiyay AIS (Nidaamka Aqoonsiga Tooska ah) xilli uu ka soo shiraacday waqooyiga Geeska Afrika.

Kala Soco Dalbile Radio 98.0Mhz Kismaayo iyo Nawaaxigeeda.