Manchester United ayaa la sheegay inay diyaar u yihiin inay bixiyaan lacag iyo ciyaaryahan si ay ula soo saxiixdaan Carlos Baleba, kadib markii Brighton ay ku dhawaaqeen qiime sare oo lagu helayo xiddigooda khadka dhexe.
Man United ayaa xagaagan lacag badan ku bixisay saxiixyada Matheus Cunha, Bryan Mbeumo iyo Benjamin Sesko.
Sida laga soo xigtay warbixin ay qortay The Independent, Brighton ayaa doonaysa qiyaastii £120 milyan si ay u fasaxdo Baleba, kaas oo taageerayaasha Man United xiise weyn u muujiyeen toddobaadkii hore kadib dhaqdhaqaaq uu ka sameeyay baraha bulshada intii lagu jiray kulankii saaxiibtinimo ee Fiorentina.
Si kastaba ha ahaatee, maamulka Man United ayaan doonayn inay si buuxda u bixiyaan qiimahaas, waxaana ay hadda ka shaqeynayaan sidii ay u dhisi lahaayeen xirmo lacag-bixin ah. Mid ka mid ah qorshayaasha miiska saaran waa in la bixiyo £80 milyan oo hordhac ah, inta soo hartayna loo bixiyo qaab gunno ah.
Waxaa kale oo la sheegay in Man United ay diyaar u tahay inay ku daraan heshiiska ciyaaryahan sida Jadon Sancho, balse waxaa loo arkaa inay aad u yartahay in Brighton aqbasho soo jeedin noocaas ah.
KALA SOCO WARARKEENNA DALBILE RADIO 98.0 MHZ KISMAAYO IYO NAWAAXIGEEDA.
