Shabakadda Ingiriiska ee The Athletic ayaa soo warisay in khilaaf aragtiyeed uu ka dhex qarxay tababaraha Real Madrid, Xabi Alonso, iyo maamulka kooxda, xilli suuqa kala iibsiga xagaaga uu socdo.
Xabi Alonso ayaa aaminsan in loo baahan yahay in kooxdu hesho saxiixyo dheeraad ah si loo ballaariyo tirada iyo tayada ciyaartoyda, halka maamulka Madrid ay ku adkaysanayaan in dhammaan boosaska kooxda lagu daboolay laba ciyaaryahan booskiiba ah.
Maamulka ayaa ku dooday in kooxda ay horey u heysatay 25 ciyaaryahan oo diyaar ah, taasoo ka dhigaysa inaysan jirin baahi degdeg ah oo saxiix cusub, ilaa ciyaaryahanno ka tagaan kooxda.
Xagaagan, Real Madrid waxay la saxiixatay Trent Alexander-Arnold, Álvaro Carriço, Dean Houson iyo Franco Mastantuono, mana jiraan qorshayaal loogu soo darayo magacyo cusub haddii aysan jirin bixitaanno.
KALA SOCO WARARKEENA DALBILE RADIO 98.0 MHZ KISMAAYO IYO NAWAAXIGEEDA.
